Следење на машини и опрема

Не сè што треба да се следи има мотор и акумулатор. Приколки, контејнери, градежни машини, агрегати и вредна опрема се следат со уреди што работат на сопствена батерија и издржуваат надворешни услови.

Уред со батерија и IP67 заштита

Уредот има вградена батерија со долго времетраење и куќиште отпорно на прашина и вода според стандардот IP67. Не бара поврзување на напојување, што значи дека може да се постави на приколка, контејнер или машина без електрична инсталација.

Достапно е и магнетно куќиште за брзо поставување и преместување без алат.

Каде се користи

• Приколки и полуприколки — локација и време на стоење, независно од влечното возило
• Градежни машини — работни часови, локација на градилиште, заштита од кражба
• Контејнери и товар — следење на пратка на долги релации и во меѓународен транспорт
• Агрегати и опрема за изнајмување — потврда каде се наоѓа опремата и колку часови работела

Заштита од кражба

Со геозона околу базата или градилиштето, секое движење надвор од работно време создава известување веднаш. Кај опрема што често се преместува, вредно е и тоа што историјата покажува каде била секој ден.

Уредот има и паник копче, што е корисно кај опрема со која работи персонал на оддалечени локации.

Работни часови на машини

Кај машини што не поминуваат километри, наместо километража се мерат работни часови. Тоа е основа за пресметка на одржување, за наплата при изнајмување и за проверка дали пријавените часови одговараат на реалните.

Најчесто поставувани прашања